Kitab yan nuştox
Kovara Vate 53

Kovara Vate 53

Vate Dergisi 53

Hûmare
53
Rîpel
136
Serre
2017

WENDOXAN RÊ

Wendoxê delalî,

Amadekerdişê hûmara 53. ya kovara Vateyî, rastê
kombîyayîşê Grûba Xebate ya Vateyî yê hîrisinî
ame. Grûba Xebate ya Vateyî na hewe Kurdistanê Başûrî de, bajarê Dihokî de kom bî. Grûbe, donima verên a ke Kurdistanê Başûrî de kom bena. Kombîyayîş mabênê tarîxanê 27.07.2017-31.07.2017 de bi. Grûbe çend kombîyayîşanê xo yê peyênan de termanê şaredarîye ser o gurîyaybî, kombîyayîşê 30. de zî na babete ser o xebata xo domnaye.

Bêguman her kombîyayîşê Grûba Xebate ya Vateyî averşîyayîşê kirmanckîya (zazakîya) standarde de gamêda muhîm a. Ewro ma vîneme ke problemê rastnuştişî kirmanckî hîna kêmî bîyî, fehmkerdişê gramerî de zanayîşê ma hîna zîyade bîyo û ferhengê ma de des hezarî ra vêşêr çekuyê bingeyî yê standardî estî. Ma bawer kenîme ke ehemîyetê nê karî ewro hîna vêşî wendox û nuştoxê kirmanckî zanî la siba gama ke ziwanê ma bibo ziwanê perwerdeyî qedr û qîymetê nê karî hîna weş fehm beno.

Wendoxê delalî,

Na hûmare de şima verê netîceya Kombîyayîşê Vîst û Newinî bi fotografanê Deniz Gunduzî vînenî. Sey kombîyayîşanê bînan na donime zî gelek çekuyî munaqeşe bîy, gelek qerarî gîrîyay û bi inahawa ziwanê ma tayê waranê xaman de hîna dewlemend bi.

Ma hûmara 52. nuştibi ke ma eseranê Xelata Kovara Vateyî heta rêza pancine pêdima weşanenî. Na hûmare de şima hîkayeya Hesen Polatî, “Nan û Zeytunî”, hîkayeya Ali Aydin Çîçekî “Raywan” û hîkayeya Îsmet Borî “Ê Ke Pey De Manenê” wanenî. Şîîra rêza dîyine ya Qemer Erdoganî “Şêmiga Emrî” û şîîra rêza hîrêyine ya Umer Barasiyî “Dijeyê Pistanan” zî na hûmare de ca gênî. Eseranê Xelate ra teber yewna şîîra ke ma na hûmare de weşanenî, şîîra Pinar Yildiz “Vena” ya.

Roportajê na hûmare yê Munzur Çemî yo. Ey 30ê nîsana 2016î de, Îstanbul de “Ana Sultan”a xozatije reyra qisey kerdo. Roportajî de ca dayo tekstê yew beyta “Ana Sultane” zî. Na hûmare de ma ca dayo di sanikan zî. Îhsan Tektaşî fekê dapîra xo ra sanika “Waya Hîrê Birayan” nuşta
û Turabî Kîşînî zî fekê Pakîşa ra yew versîyonê sanika “Alik û Fatike”. Şahap Laçînî kitabê Deniz Gunduzî “Hîkayeyê Koyê Bîngolî” ser o yew analîz nuşto, Îsmet Borî mintiqaya xo ra rîpelê “Fiqra û Meseleyan” rê yew mesela nuşta.

Sey qala peyêne ma wazenî vajî ke mela şima wendişê Vateyî ra yew tehm û lezet bigîrîn!

Heta hûmara bîne bimanê weşîye de!

Redaksîyon

Hûmare
53 · Hamnan 2017
Rîpel
136
Çape
Çapa Yewine
Ca û serre
İstanbul, 2017
Cild
Amerikan Bristol
Kaxite
Birinci Hamur

Tedeyî

Hûmarê bînî

Heme hûmarî ›

Weşanxane ra biwaze

Kovara Vate 53

Mesajo ke şawîyeno

Merhaba, Vate dergisinin şu sayısını temin etmek istiyorum: *Kovara Vate 53* Yardımcı olur musunuz? https://vatekitab.com.tr/ki/dergi/kovara-vate-53/

Mesaj programê şima de abeno; şima eşkenê verê şawitişî bivurnê. Keyepel de melumatê şima nêmaneno.