Kitab yan nuştox
Kovara Vate 82

Kovara Vate 82

Vate Dergisi 82

Hûmare
82
Rîpel
160
Serre
2025
Ziwan
Kirmanckî (Zazakî)

WENDOXAN RÊ

Wendoxê delalî,

Kovara Vateyî, sey yew weşanê Grûba Xebate ya Vateyî, (GXV) hamnanê 1997î ra heta nika weşanê xo bêmabên domnena. Destpêkî de Grûbe qerar dabi ke kovare do serre de çar hûmarî neşr biba. Çend serranê verênan û dades serranê peyênan de kovare her serre çar hûmarî neşr bîy. Labelê sebebanê cîya-cîyayan ra tayê serran de, di-hîrê hûmarî vejîyay. Seke yeno zanayene GXV seba xebata standardîzasyonê ziwanê ma, serre de yew-di reyî kom bena. Kombîyayîşê Hîris û Newinî yê Grûbe, mabênê tarîxanê 03.04.2025 06.04.2025î de, Dîyarbekir de bi. Nê Kombîyayîşî de rewşa kovare ser o ame qiseykerdene û no qerar ame girewtene: “… nika ra pey ma Kovara Vateyî serre de 2 hûmarî vejenî la gama ke şertî û rewşa ma ya ekonomîke baş bibo, ma do newe ra hûmaran zêde bikê.” Seke aboneyê ma zanê aboneyîya kovare goreyê serra serrnameyî nîya, goreyê çar hûmaranê kovar a, yanî aboneyî na rewşe ra muteessîr nêbenê.

Wendoxê delalî,

Na hûmare de verê şima netîceyanê Kombîyayîşê Hîris û Newinî vînenê. GXV nê kombîyayîşî de hîna vêşî çekuyanê ke bi herfa “D”yî dest pêkenê ser o vindete û gelek çekuyê kirmanckî yê standardî tesbît kerdî. Gelek wendoxê ma aşînayê nameyê Murad Canşad î. O nuştoxanê ma yê verênan ra yew o. Na hûmare de ma çend beşanê destpêkî yê eserê ey “Elik û Fatike” neşr kenê. Goreyê melumatê nuştoxî no eser “40 qisiman û 3138 beyitan ra pêyeno”. Ma hêvî kenê ke no esero menzûm yew demê kilmî de neşr bibo û bireso wendoxan. Şîîrê bînî yê na hûmare Dilo Bargiran û Newzad Valêrî nuştê. Na hûmare de şima xebata M. Malmîsanijî Kirmancca Etimolojisine Doğru-XIII wanenê. Etîmolojîyê ziwanê ma ser o, xebatêda wina hîraye û goreyê krîteranê îlmê ziwanî, heta nika nêbîya. Ma wazenê na xebate zî sey kitabî neşr biba ke wendoxî hîna baş ci ra îstifade bikê. Ma hêvî kenê ke şima medyaya sosyale de applîkasyonê “Zazano” dîyo, eke şima nêdîyo, bivînê. Haydar Diljenî no applîkasyon dayo şinasnayene û girîngîya na xebate ser o vindeto. Çi heyf ke zalimê kolonyalîstanê Kurdistanî zaf namdar ê. Nînan ra yew zî yew zabitê tirkan Delû Fikrî yo. Delû Fikrî serewedaritişê Şêx Seîdî ra pey mintiqaya Pîranî de zaf zulm kerdo. Şukru Derîn nuşteyê xo de zulmê nê gonîwerî ra tayê nimûneyan dano. Menekşe Akalin, yew babeta aktuele, “îtaetkerdişî”, ser o yew xebata îlmî dana şinasnayene. Na hûmara ma de, nuşteyê nê nuştoxan zî est ê: Mihemed Kurdî, Akman Gedîk, Mistefa Gomayij, Îsmet Bor û Umer Farûq Ersoz.

Heta hûmara bîne bimanê weşîye de!

Hûmare
82 · 2025
Rîpel
160
Çape
Çapa Yewine
Ca û serre
Îstanbul, 2025
Ziwan
Kirmanckî (Zazakî)

Tedeyî

Hûmarê bînî

Heme hûmarî ›

Weşanxane ra biwaze

Kovara Vate 82

Mesajo ke şawîyeno

Merhaba, Vate dergisinin şu sayısını temin etmek istiyorum: *Kovara Vate 82* Yardımcı olur musunuz? https://vatekitab.com.tr/ki/dergi/kovara-vate-82/

Mesaj programê şima de abeno; şima eşkenê verê şawitişî bivurnê. Keyepel de melumatê şima nêmaneno.