Kitab yan nuştox
Kovara Vate 71

Kovara Vate 71

Vate Dergisi 71

Hûmare
71
Rîpel
128
Serre
2022

WENDOXAN RÊ

Wendoxê delalî,

Gama ke nê rêzî yenê nuştene gelek şaristan û şaristanekanê Kurdistanî de newroze bi yew hawayo girseyî yena pîrozkerdene. Miletê ma her serre bi nê pîrozkerdişanê girseyîyan wazeno heme dinya ra vajo ke kurdî wazenê welatê xo de azad û xoser biciwê. Bi na bawerî her serre adirê newroze hîna girr û girs kenê. Bi hêvîya newrozanê hîna azad û aştîyaneyan ma roşanê şima hemîne pîroz kenê û bawer kenê ke ma pîya roşananê hîna weşan vînenê.

Wendoxê delalî,

Grûba Xebate ya Vateyî semedê janê korona ra nê di serranê peyênan de nêşîyaye kom biba. Grûbe seba Kombîyayîşê 34. mabênê tarîxanê 18.12.2021 û 21.12.2021î de, Dîyarbekir de kom bî. Nê kombîyayîşî de Grûbe kopula (karo nêmcet) û demê nikayinî yê karan (fîîlan) ser o zî xebitîyay û tayê qerarî girewtî. Grûbe heta nika gelek babetanê gramerî ser o vindeta la reya verêne nê kombîyayîşî de dest bi standardkerdişê karan kerd. Şima na hûmare de verê netîceya Kombîyayîşê Hîris û Çarinî vînenê.

Wendoxê delalî,

Na hûmara ma de babet-babet nuşteyî ca gênê. Xebata etîmolojî ya M. Malmîsanijî na hûmare de zî dom kena. Ma na reye beşê şeşinî weşanenê. Bi na xebate, ma derheqê etîmolojîyê gelek çekuyan de benê wayîrê zanayîşanê neweyan. Ma na hûmare de ca danê hîkayeyanê Bedrîye Topaç, Akman Gedîk û Osman Aytarî zî. J. Îhsan Esparî zî yew hîkaye swêdkî ra açarnaya kirmanckî ser. Şîîrê na hûmare, Îsmet Bor, Ozlem Guntaş û Adir Dêrsimijî nuştê. Di nuşteyê folklorîkî zî na hûmare de neşr benê. Aydin Baturî mintiqa Çewlîgî ra yew deyîre, Rohelat Aktulumî zî mintiqaya Pîranî ra çend çibenokî nuştî. Gulfer Turhalli fekê dayîka xo ra qalê cuya dewa Rîzî kerdo. Rîpelê fiqra û meseleyan de nuşteyê Mistefa Gomayij û Îsmet Borî est ê.

Heta hûmara bîne bimanê weşîye de!

Hûmare
71 · Zimistan 2022
Rîpel
128
Çape
Çapa Yewine
Ca û serre
Îstanbul, 2022
Ebat
16 x 23 cm
Cild
Amerikan Bristol
Kaxite
Enzo

Tedeyî

Hûmarê bînî

Heme hûmarî ›

Weşanxane ra biwaze

Kovara Vate 71

Mesajo ke şawîyeno

Merhaba, Vate dergisinin şu sayısını temin etmek istiyorum: *Kovara Vate 71* Yardımcı olur musunuz? https://vatekitab.com.tr/ki/dergi/kovara-vate-71/

Mesaj programê şima de abeno; şima eşkenê verê şawitişî bivurnê. Keyepel de melumatê şima nêmaneno.