Kitab yan nuştox
Kovara Vate 23

Kovara Vate 23

Vate Dergisi 23

Hûmare
23
Rîpel
144
Serre
2004

WENDOXAN RÊ

Wendoxê delalî,
Ma demêko derg û dila yewbînî ra dûrî mendî. No beyntar de çend hedîseyê ke rasterast ziwanê kurdkî û lehçeya kirmanckî (zazakî) eleqedar kenî, bîy.

Nînan ra yew televîzyonê Tirkîya (TRT 3) dest pêkerd hem bi kurmanckî û hem zî bi kirmanckî hewte de nêm saetî programî neşr kerdî. Nê hedîseyî ser o na hûmara ma de yew nuşte zî esto.

Dîyarbekir de kursê kurmanckî û kirmanckî abîy. Bi naye, tarîxê Komara Tirkîya de reya verêne, bi destûrê dewlete kursê kirmanckî (zazakî) abîy. Berpirsîyarê Kursê Ziwanê Kurdkî yê Dîyarbekirî, seba akerdişê kursê kirmanckî xebitîyayî û bi akerdişê nê kursî karêdo baş kerd.

Weşanxaneyê Vateyî 2003 de di kitabê kirmanckî vetîbîy. Nê weşanxaneyî, serra 2004 de heştna kitabî vetî. Bi vetişê des kitaban, nê weşanxaneyî ziwanê ma yê nuştekî rê xizmetêko hol kerd. Nê heşt kitaban ra yew zî Ferhengê Tirkî-Kirmanckî (Zazakî), yanî Türkçe-Kırmancca (Zazaca) Sözlük o. No ferheng neticeya xebata Grûba Xebate ya Vateyî (Vate Çalışma Grubu) yo.

Nuştoxê kirmanckî (zazakî) û kesê ke wazenî kirmancki binusî!

Nuşteyo hol (baş) ked û xebate wazeno. Eke şima wazenî ke lehçeya kirmanckî (zazakî) standard bibo û eke şima wazenî ke kirmancê (zazayê) mintiqayanê cîya-cîyayan nuşteyanê şima ra fam bikîn, şima bi xo nê ferhengî ra îstîfade bikîn û wextê nuştişî de goreyê formanê nê ferhengî binusîn. Eke şima tenya seba wendoxanê yew-di dewan û yew-di qezayan ney labelê seba hîna zaf wendoxan nusenî û wazenî ke mesajê nuşteyanê şima hîna weş vila bibîn, nê ferhengî xo vîr ra mekîn. No ferheng, ma û şima, şima û wendoxanê şima çekuyanê muşterekan ser o ano têhet, şekl û manaya hîna nete dano nuşteyan û vateyanê şima. Biceribnîn, nê ferhengî çekuye bi çekuye bixebitnîn.

Na hûmara ma de roportaj û nuşteyê balkêşî estî. Ma bi xebata tîyatroyanê kirmanckîyan û nuşteyanê neweyan, bi taybetî zî nuşteyanê hepsîyan şa bîy. Rewna hepisxaneyan ra ma rê nuşteyî nêameynî. Nuşteyê ke hepisxaneyan ra yenî, musnenî ke nê camêrdî pey beran de veng (tal) nêvindenî û ziwanê xo ser o sereyê xo qefilnenî (rincan kenî).

Hêvîya ma esta ke xebata ziwan û edebîyatê ma roje bi roje hem zere de hem zî teber ra hîna vêşî bibo.

Vate

Hûmare
23 · Zimistan 2004
Rîpel
144
Çape
Çapa Yewine
Ca û serre
İstanbul, 2004
Cild
Amerikan Bristol
Kaxite
Birinci Hamur

Hûmarê bînî

Heme hûmarî ›

Weşanxane ra biwaze

Kovara Vate 23

Mesajo ke şawîyeno

Merhaba, Vate dergisinin şu sayısını temin etmek istiyorum: *Kovara Vate 23* Yardımcı olur musunuz? https://vatekitab.com.tr/ki/dergi/kovara-vate-23/

Mesaj programê şima de abeno; şima eşkenê verê şawitişî bivurnê. Keyepel de melumatê şima nêmaneno.