Kitab yan nuştox
Munzur Çem

Munzur Çem

9 kitab

Munzur Çem serra 1947î de, dewa Gêxî, Qurze de ame dinya. Serra 1966î de Kolejê Weşîyê yê Dîyarbekirî (Diyarbakır Sağlık Koleji) ra bî mezun. Hete ra sey memurê weşîye xebetîya û hetê ra kî Mektebê Berzî yê Zanîstanê Îktîsadî û Tîcarî yê Anqara yê Taybetî (Özel Ankara İktisadi ve Ticari İlimler Yüksek Okulu) de wend û tîya ra bî mezun. 1975î ra heta 1980î Mehkemaya Muhasebatî (Sayıştay) de xebetîya. Kovara “Özgürlük Yolu”ya ke 1975î de dest pê weşanî kerd de û rojnamaya “Roja Welat” ya 15 rojina ke bi tirkî û kurdkî 1987î de dest pê weşanî kerd de nuşteyî nuştî. Nê serran de dest pê nuştişê kurdkî (kirmanckî) kerd.

Darbeya leşkerî ya 1980î ra yew demo kilm verî, falîyetanê xo yê polîtîkan ra serkewte polîsî ke ci ra gêrayî vejîya teberê welatî. Peynîya serra 1980î ra heta serê 1984î rojnamaya Dengê Komkar ya aşmaneye de sey mesuldarê redaksîyonî xebata xo ya rojnamagerîya polîtîke dewam kerde. 1984î de bî hemwelatîye Swêdî yo ke ci ra bext waşto û tede ca bîyo. 1997î ra nat Almanya de ciwîyeno.

Gore bi dewran bi mahlasanê cîya-cîyan nuşto û heta ewro 20î ra zêdêrî kitab û broşûrê xo ameyê çapkerdene. Zaf kovar û rojnamayan de makaleyê xo ameyê weşanayene. 1996î ra nat endamê Grûba Xebate ya Vateyî yo ke kirmanckî standartîze kena û mesuldarê redaksîyonî yê Kovara Vateyî yo.

Kitapları:

Nêmend