Kitab yan nuştox
Dr. Nadire Güntaş Aldatmaz

Dr. Nadire Güntaş Aldatmaz

7 kitab

Nadîre Guntaş Aldatmaz 1963 de dewa Pîlvankî ya Mamekîye de ameye dinya. Mektebo verên dewa xo de wend. Seba ke a wendişê xo dewam bikero 1976 de keyeyê înan bar kerd şîy merkezê Mamekîye. Mektebo mîyanên û lîse Mamekîye de wende, dima 1984 de Anqara de dest bi wendişê unîversîte kerd. Unîversîteya Gazî, Fakulteya Perwerdeyî de qismê malimîya almankî ra serra 1989 de mezun bîye. Serra 1994 ra heta serra 2016 malimîye kerde. Serra 2010 de kî mîyanê grûba tewr verêne de Beşê Ziwan û Kulturê Kurdan yê Unîversîteya Artuklu de dest bi lîsansê berzî kerd û babeta folklorî ser o tezê xo yê masterî bi kirmanckî amade kerd. Tezê aye sey tezo tewr verên ê bi kurdkî 2013 de bi hawayêko resmî qebul bî. Nê demî de dest bi nuştişê kirmanckî kerd û gelek nuşte û hîkayeyê aye Kovara Şewçila, Kovara Vateyî, Rojnameyê Newepelî û Keyepelê Zazakî.Netî de weşanîyayî. Hetê ra kî serra 2016 de Unîversîteya Ankara, Fakulteya Komunîkasyonî, qismê Rojnamegerîye de dest bi doktora kerd. Tezê doktora roj bi roj kêmî qiseykerdişê kirmanckî ser o bî. Tezê aye serra 2021 de qebul bî. A hona kî kirmanckî ser o xebityena. Hem endama Gruba Xebatê ya Vate ya hem kî mîyanê gruba redaksîyonî yê kovara Vateyî der a.