Sosine û Gulîzare
- Sayfa
- 436
- Yıl
- 2013
- Dil
- Kırmancca (Zazaca)
Sosine û Gulîzare (Sosine ile Gulîzare), Îlhamî Sertkaya’nın Kırmancca (Zazaca) romanıdır; 2013’te Vate Yayınevi’nden çıktı.
Kitaptan bir bölüm (Kırmancca):
Xem û xeyalê bêbinî, dem û dewranê serdin û germinî, kewtîbîy têmîyan. Sosine, rasta kî ê birrîyo ke dormeyê ci adirî girewtîbî ra, bi koma xo, bi Xalî, Gule, Silêmanî, bi pêro hevalanê xo yê gerîlayan, mabêne barut û zinginîya top û tufangan ra vecîyabîy, amabîy na sûke. Ê vinetîbîy, Sosine û koma xo qesî kerdêne. Ruyê înan ra hesreta sed serran, huyayîşê tarîxê welatî vila bîyêne.
Dot ra, vengê çepikan, vengê şên û şênatîye amêne. A şênatîya ke verba newroz û verba wisarî xo xemilnabîy. Sîndorê dûrî û nêzdî têmîyan de vîndî ra bîyêne. Koyî dêm dîyêne, rayan kemerê xo şiknêne. Tîje tanya xo, zê yew cinîka dixazkana ke weledîyêne, giran-giran, perda dejê sed serran dirnêne, lêlê şodirîyê neweyî de vatêne ‘ma bixeyr’!. Ters û teresîye şikîya, ‘ma bixeyr’! Hesin û xeleka koletîye şikîya ‘ma bi xêry’! Neçarîye, nezantîye şikîya ‘ma bixeyr’! Binişîyê astoranê zerreyê xo ra, verba serbestîye biramê, kêberê serbestîye aseno, biqîrê, dinya aleme wa biheşno, vajê ‘ma bixeyr’!
- ISBN
- 978-975-6278-72-7
- Sayfa
- 436
- Basım
- 1. Basım
- Yer ve yıl
- Îstanbul, 2013
- Dil
- Kırmancca (Zazaca)
- Ölçüler
- 13,5 x 19,5 cm
- Cilt
- Amerikan Bristol
- Kâğıt
- Enzo
- Kategori
- Roman










